දකුණු පළාතේ මධ්යම පාන්තික පවුලක වැඩුමහල් දරුවා ලෙස 1936 පෙබරවාරි 12
වෙනිදා උපත ලද හෙට්ටිආරච්චිගේ රෙජිනෝල්ඩ් ජෝතිපාල ශ්රී ලංකාවේ සදාකාලික ජනප්රිය
ගායකයා බවට පත් වේයැයි කිසිවෙකු නොසිතන්නට ඇත. කොළඹ, මරදානේ සෙන්ට් ලෝරන්ස් පාසැලට
ඇතුළු වූ ජෝතිපාල දෙමටගොඩ ශාන්ත ජෝන් පාසැලෙන් ද අධ්යාපනය ලැබීය. ගෙදර සිට ගීත
අසන්නට රේඩියෝවක් නොතිබුනු නිසා, අසළ තිබූ තේ කඩයකට ගොස් සිංදු අසන්නට ජෝති පුරුදු
වී සිටියේය. පසුකලෙක ලාංකික ජන හදවත් තුළ සදා ලැගුම් ගත් ජෝතිගේ මුලකුරු එච්. ආර්
යන්න “ හදවත රත්තරන් “ ලෙස වෙනස් වී හදවත රත්තරන් ජෝති බවට පත්වූ මේ අසහාය
ගායකයාගේ ගායන ප්රවිශ්ඨය ද විශ්මිතය.
ජෝතිගේ මුල් ගීතය මෙතනින් අහන්න....
අද බොහෝ දෙනා හදුන්වන්නේ ජෝති ගේ පළමු ගීතය සිරිල් පී අබේරත්න අධ්යක්ෂණය
කළ සුරතලී චිත්රපටයේ “ සිරියාමෙ සාරා.. “ ලෙසය. එහෙත් එය ඔහුගේ ප්රථම ගීය
නොවේ. පටිගත කළද, කිසිදින ජෝතිපාලයන් හෝ
නොඇසූ , අදුරේම මැකී ගිය ඔහුගේ මුල්ම පටිගත කිරීම වූයේ 1955 දී සිරිසේන විමලවීරයන්ගේ
“පොඩිපුතා“ චිත්රපටයට ගැයූ ගීයකි. එම ගීතය පටිගත කොට දර්ශන පෙළ ද රූපගත කොට හමාර
කළද, චිත්රපයට මුලින්ම ප්රදර්ශනය කළ දා යහළුවන් පිරිසක් සමග සිනමා හලට ගිය
ජෝතිපාලට එම ගීතය අසන්නට ලැබුනේ නැත. එයට හේතුව වූයේ පොඩිපුතා චිත්රපටයේ
ඉන්දියානු සංගීත අධ්යක්ෂ වරයා ජෝතිගේ කඩහඞ චිත්රපටයට නොගැලපේයැයි ගීතය අඩංගු
දර්ශනය ම ඉන්දියාවේ දී කපා විසි කර දැමීමයි.
ජෝති සිනමා හළෙන් එළියට බැස්සේ යහළුවන්ගේ උසුළු විසුළු මැද්දේය. ‘ කෝ බං
උමේ මහ ලොකු සිංදුව..“ යැයි ඔහුට උපහාස
කෙරින. වේදනාවෙන් ජෝතිගේ දෙනෙත් කධුලින් තෙමී ගියත් ඔහුගේ ගීත ගැයීමේ ආසාව නිමා
වූයේ නැත. මේ අතර සිලෝන් එන්ටර්ටේන්මන්ට් සිනමා සමාගමේ හිමිකරු වූ ජබීර් ඒ කාදර්
මහතා අළුත් චිත්රපටයක් හදන්නට යනවා යැයි ආරංචිය ජෝති ට ලැබින. මිතුරෙකුගේ
මාර්ගයෙන් කාදර් මහතා හමුවන්නට ගිය ජෝති තම ආසාව ඔහුට කියා සිටියේය. “ ඉතිං
ළමයා... ඔය ළමයට සිංදු කියන්න පුළුවන් ද කියලා මම දන්නෙ නෑනෙ.. කෝකටත් සිංදුවක්
රෙකෝඩ් කරලා අරගෙන එන්නකො..‘‘ කියා ඔහු
ජෝතිට කියද්දී ජෝතිගේ දෑස් සතුටින් උතුරා ගියේය. ඒත් සිංදුවක් රෙකෝඩ් කර ගන්නෙ කොහොමදැයි
යළි ගැටළුවකි.
ජෝතිගේ මිතුරා ඔහුව ඊළගට රැගෙන යන්නෙ එවකට ප්රධාන පෙළේ සංගීත අධ්යක්ෂ
වරයෙකු වූ ස්ටැන්ලි ඔමාර් හමුවන්නටය. ජෝතිගේ දුක ස්ටැන්ලි ඔමාර් මාස්ටර් අසා
සිටියේය. “ හ්ම්..... ඔය ළමයට සිංදුවක් මං හදලා දෙන්නම්... හැබැයි..... වැඩේට
රුපියල් 35 ක් විතර යනවා.. “ ඒ මාස්ටර්ගේ හඞයි. ( ඒ කාලයේ රු. 35 විශාල වටිනාකමකි)
. “ අනේ මාස්ටර්... මං ළග කීයක්වත් නෑනෙ...“
ජෝතිපාල පිංසෙන්ඩු වන විට “
හරි....හරි... මගෙ ගානෙ මං ඔය ළමයට සිංදුවක් හදලා දෙන්නංකො..“ කියා මාස්ටර්ගේ
මුවින් පිටවත්ම ජෝතිට සතුට ඉහවහ යන්නට ඇත. දින සති ඉක්ම යද්දී ස්ටැන්ලි ඔමාර් මාස්ටර් හදා දුන් ගීය ජෝතිගේ
හඞින් තැටිගත වී කලු පැහැ ගී තැටියක් ජෝති අතට ලැබෙයි.
තැටියද රැගෙන මිතුරා සමග ජබීර් ඒ කාදර් මහතා හමුවන්නට ගිය ජෝති ද සමගින්
තමන්ගේ කාර්යාලය පිහිටි ලිබර්ටි සිනමා හළේ බැල්කනියට ගොඩ වූ කාදර් මහතා තැටිය ප්රොජෙක්ටර්
ක්රියාකරුට දුන්නේ “ ළමයා...... මේ රෙකෝඩ් එක ගහන්න.. අපිට අහන්න.... “ කියමිනි. සැනෙකින්
ගීතයක් ඇසෙන්නට පටන් ගනී. පසුකළෙක ශ්රී ලංකාවට නැතිවම බැරි වූ ඒ අමරණීය ජෝති
ජීවිතයේ මුල් වරට තමන්ගේම හඞ ඇසූ මොහොත එය විය. “ මගෙ රන් රාජිනි..........“ නම්වූ ඒ ගීය අවසන් වන තුරුම අසා සිටි ජබීර් ඒ
කාදර් මහතා, “ හොදයි... මම ඔය ළමයට ඊළග ෆිල්ම් එකේ සිංදුවක් දෙන්නංකෝ.....“ කියා ජෝතිට වූ පොරොන්දුව ඉටුකළේ , සිලොන්
එන්ටර්ටේන්මන්ට් සමාගම වෙනුවෙන් තමා නිෂ්පාදනය කළ, සිරිල් පී අබේරත්න යන් අධ්යක්ෂණය
කළ සුරතලී චිත්රපටයේ “ සිරියාමෙ සාරා... “ ගීතය ගයන්නට ජෝතිට අවස්ථාව ලබා දෙමිනි.
වයස අවුරුදු 20 දී මුල්ම ගීය ගයා, වසර 31 ක් ගී දකස දහසක් ගැයූ එච්.ආර්.
ජෝතිපාලයන් 1987 ජූලි 7 වන දින මෙලොව හැර ගියේ සැම හදවතකම අමරණීය මතකයක් ඉතිරි
කරමිනි.